جيت عاني وشفت اسمـك وباقـة بيانـك
وابتسامـات دمعتهـا بعيـنـك رهيـنـه
وانذهلت بسؤالـك قبـل وقـت امتحانـك
غامـض الله يستـر... والمعانـي دفينـه

ليه زلـت لسانـي مثـل زلـت لسانـك؟
وليه نفسك تسوٌل وانـت روحـك لعينـه؟

قلت يعنـي حرمتينـي غـلاك وحنانـك؟
قلتـي الـورد مايبخـل علـى ياسميـنـه

قلت يعني سمـو الغيـر يشبـه طمانـك؟
قلتٍ انت اش تبي بي؟ ذكرياتـي حزينـه

قلت ابي رقم جوالـك لـو الوقـت خانـك
الطـم الوقـت واروض منايـا سنيـنـه

وانحر بكار فكري ليـن يـروى ضمانـك
واحفضك فـي عيـونٍ ماتخـاف الغبينـه

احفضك في عيوني مـن بـلاوي زمانـك
وانحت اسمك علـى قلـبٍ تزايـد حنينـه

قلب يعشـق سواليفـك ويعشـق جنانـك
ماسكن فيه غيـرك مـن بنـات المدينـه

لبى ضحكـت شفاتـك لبـى والله ثمانـك
ياغـلا شاعـر شعـره يبيـك وتبيـنـه

صار شعره كبينه تنتظـر مـن رهانـك
افهميهـا كـذا مثـل(( الهلـل والكبينـه))

اااااه ياكبـر قـدرك.ااااه ياكبـر شـانـك
الغـلا والغـرام انـتٍ حــدا والديـنـه

استغلـي وسـط بـرج المحبـه مكانـك
اقتلي واعتقي .واخـذي واخبـرك ذهينـه

بس قلتٍي (((زياد)))!!! الحب ذلك وهانك؟؟
قلت حب يهين الرجل(((ماهـي بزينـه)))

انتٍ اخذي الامان .وودي احضى بامانـك
لا تغدريـن بـي مثـل البحـر والسفينـه

لين اوصلك الى مبدأ(((لسانك حصانـك)))
واتركـك تحفضينـه.والا ماتحفضيـنـه

المهـم اخـذ الجـوال واقضـب اعنانـك
واصبح الفـارس اللـي رد دينـك ودينـه

وان رفضتي يكفينـي ...عرفتـي مكانـك
لك حبيبٍ...مكاااااااانك وسط قلبـه وعينـه

عينه انتٍ نظرها ...بـس قلبـه وزانـك
قلب ذيب شجـاع ...مالقـى مـن يعينـه

ليه ما تذكري قلـب مـن الغبـن صانـك
عيبه انه ذبـح نفسـه... بغلطـت يدينـه

واذكري شاعر ...شعره مصخر عشانـك
خادمـك ياغناته...كـل زينـه وشيـنـه

واذكري وقفة اللـي يـوم جيتيـه عانـك
الوفـى فـي جبينه...والنقـى فـي يمينـه

لكلماتك ذاك العبق الخاص

والاحساس الذي يزيد من روعتها

كعبير الورد ولون المطر ونسيم الفجر

مميز انت كعادتك

يعطيك الف عافيه

مشكوره يا اخت همسات جريئه على المرور و على المجامله اللطيفه
يعطيك ربي العافيه
و دمتي بود

صصححححح السسانك


تحياتي لك

مشكوره يا اخت بنت سعود على المرور