السلام عليكم ورحمة الله وبركاته

في يوم من ايام الصيف الماضي وكان يوم من ايام رمضان (علما باني طالبه في اخر سنه ثانوي)اروح الصبح وارجع الظهر مع زميلاتي في باص خاص وجاء يوم كانت اعز صديقاتي وهي اقرب لـ اختي الاصغر مني بسنه كانت هذي البنت تبي تنزل الظهر لبيتها وكان عندها مشروع مدرسي وجايبه وسائل ولابتوبها واغراض ماتقدر تشيلها بروحها فطلبت مني ان اشيل لابتوبها معها اوكي شلته ونزلت على اني بعطيه اخوها الصغير قدام الباب (علما ان اخوها كان صغير جدا في اول روضه)والباص واقف على طرف الشارع وانا نازله معها جاء اخوها يركض يبي يقطع الشارع علشان يشيل الابتوب مني واول ما جاني عطيته الابتوب وكان شوي ثقيل على ولد مثله بس شاله على كتفه وراح يركض يبي يقطع الشارع لبيتهم... وقتها صااارت الكارثه...............!!!!!





جاااااااااااات سياره تمشي بسرررررعه من جنب الباص و الولد طلع من قدام الباص فدعمته السياره ...ولما دعمته طاح الابتوب تحت السياره ودعسته ...امااا الولد طااااار وطاح بعيد من السياره ....وفي هذا الوقت كنت راكبه الباص بس واقفه عند الدريشه اللي قدام علشان الولد كان يبي يعطيني كيس مزخرف فيه حلاو(قرقيعان)فاخته من الصدمه واقفه ماسوت شيء وهدت اغراضها وراحت تركض لبيتهم تبي تنادي احد يشيله من الشارع ..اما انا فصرخت وطحت على الارض ومن الصدمه مادري شنو صار يعني اول حادث في حياتي وانشاء الله اخر حادث فمادري شلون نزلت من الباص ورحت للولد وكنت ابي اشيله من الارض بس ماقدرت ارجولي ترجف خايفه ...وابن الكلب الحيوان استغفر الله اللي دعمه واقف ويطالع فيني ويقولي اهو تعبان قولي لأهله يودونه المستشفي وهو شكله مو صاحي جيبه مفتوح واعيونه محمره (شكله سكران )بس اختي الصغيره جاتني وانا قاعده عند الولد وكان كله دم وهو يون (يوجع القلب)فشالته وحطته على الرصيف ومسحت وجهه وقامت تقرأ عليه (هذي اختي الصغيره)ماشاء الله عليها مو مثلي فقلت لها شيليه دخليه البيت ...واماا خواته راحو يصرخون بالبيت وكانوا اهلهم نايمين وامهم (خواته 2اللي معنا بالباص)وامهم مدرسه وكانت بالمدرسه ويدقون عليها بس ماترد متعمده وزين انها ماردت كان وقفوا قلبها ...وانا طلعت من بيتهم بعد مادخلنا الولد عليهم وكنت ابكي ما دريت وش صار فيه وملابسي كانت مبقعه بالدم فلقيت الكيس المزخرف اللي جابلي اياه(القرقيعان)طايح تحت تاير الباص تخيلوا ..تاير الباص واول ماشفته زدت ابكي وركبت الباص وانا كنت صايمه وراسي بينفجر واحس صوت السياره لما دعمه براسي ومن بعدها ماخليت اخواني الصغار يعتبون باب البيت ...(بس الولد ما مات الحمد لله ولا صار فيه شيء والحمد لله على العافيه)ومن بعد هذا الحادث مرضت ونمت يوم كامل من الصدمه المريييييعه ...وبعد هذا كله عايله الولد لقبوا اختي بــ(المنقذه)...........(ولابتوب البنت كان وحده حاطه عينها عليه عاجبها تقول اول مره اشوف لابتوب وكلام ثاني وهذي البنت عينها حااااره واللابتوب تكسر وانطحن بعد الدعمه)..
والسلام ختام ..... على فكره الولد شيطان (مشاغب)

اختكم ؛؛مهستره

بــــــ ج ــــد مبققه عيـــــــــوـوـوـوني موو قادره اصـــدق


يعطيك العافيه ياقلبي عالقصه

بس الا الحين مو قادرهـ استوعــــب

تقبلي مروري

الحمد لله ان الولد بخير
وتشكري اختي ع القصه
تقبلي مروري
ام الحلا

thank you

شكراا على المرووووووور

لا صدقي القصه صارت لي مو منقوله

وسوووووري على التأخير كنت مشغوله