مقتطفــآآت مــن قصآئد أو أشـ ع ـآرآلشآعر حآمد زيد

--------------------------------------------------------------------------------

السفينه

يوم قلبي ما عصاك , و ما قدرتي تذبحينه
ليه خنتي فيه و انتي من نفس الديانه ؟
كان ذبحي بيدك ارحم .. من اللي تفعلينه
و ان طلبتك تذبحيني ما ذبحتيني لعانة
كل جرح من جروحي تذكرينه تنكرينه
كن مالك في نزيفه يد خانت بالامانه
ينزف الخافق تواضع لين لطختي جبينه !!
و الا انا ما كنت ابيها توصل لحد الاهانه
قلت: ( من باب الميانة ) صاحبك و تعذبينه ..
لعنبوك ارخي معاي شوي ما صارت ميانة


الحلم

اذا اهداك الزهر مرة , فانا اهديتك بساتينه
واذا الهاك بفرح ليله , فانا تهت لبكاك سنين
واذا استضعفتك املاكه و شتتك ملايينه
انا حتى فتات الخبزة اقسمها معك نصين
طموحي , بس اجي و اظفر بشي تستحقينه
تدينته , تسلفته , سرقته , مو مهم منين
كأني من كثر ما ارضى بكل اللي تمنينه
لو انك تطلبين الله يعنيني.. بقول : آمين
( انا ما العب على الحبلين ) وقت الطيش و سنينه
تبيني الحين يوم اني كبرت العب على الحبلين ؟
ترى عند البدو بالذات عيب اللي تسوينه
حلاتك لا عشقتيني .. تعشقيني ليوم الدين ..

التمثال

انا جيت اعشقك نبض و مشاعر ما اعشقك ( تمثال )
انا جيت اسكنك واحياك , و ابقى فيك وابقى لك
انا جيت بظما عاشق نعب يطرد سراب اللال
انا جيت استفز رضاك من فرقاك والجا لك
انا ما همت بك عاقل .. انا كنت اعشقك بخبااال
انا ما كنت احبك حي .. انا كنت اعشقك هالك ....

جمهور


إذا كانـت مسـافـات الخيـانـة للـغـرام قـبـور
وش اللي يجبر العاشق يخون ويحفر قبوره
وش الـلـي يجبرالشاعريدورللشعرجمـهـور
مـادام أنـتـي محبيـنـه وعشـاقـه وجمـهـوره




بنت


ملعون أبو العشق دام العشق دلعها
لا صارت البنت تامرنـا وتنهينـا
تجزم على الراي والكلمة وتقطعها
وحنا الرجاجيل لا رحنا ولا جينـا





نار وبارود



يكبر غضبنـا لا تعـزوى حدينـا
نرضيه لو نبذل على ارضاه مجهود
واليا انتخـن المترفـات اعتزينـا
نفزع ولا نرضي على بنت منقـود
نزعل ونغضـب وان زعلنانوينـا
كن الهدب والعيـن نـار وبـارود





العشق


السهر والدرب الأول والهوى واللي ينويه
شي أقسى من همومك والعنه حاضروغايب
والهموم اللي دعتني من بعدد سن الطفولة
كلها من تحت راس العشق ملعون الصلايب






عناد

أبضحك واظهر البسمة ولو ان الجروح أجداد
ترى قلب الحريقة ضو ولو وجه الحطب رامد
باكون اكبر من الغلطة وابا علن للهواء ميلاد
إذا كان الخطأ منـك مجـرد ثـورة الخامـد
وإذا كان الجفى منك مسافات وغـلا وعنـاد
تراي اكبر من عنادك وقولي قا لهـا حامـد





مرض


لا باس أنا يالغاليـة قلتهـا لـك
من قلب يخلص لك يحبك ويغليك
ياليتـي كنـت المنـوم بـدالـك
وليت المرض يابنت فيني ولا فيك






السعه




كل شي شفت فيهـا فيـه نبـره جاذبيـه
موهبة من فضل ربي واشهد ان الله وهبها
كلهـا لله بـلله فاتـنـة هــالا دمـيـة
عاجبتني من بداية رأسها لا سفل كعبهـا





الكذب خيبة


روحي وهالمرة خلص لا تردين
هذا الفـراق وروحـة دون ردة
الكذب خيبة ما عرفتـي تحبيـن
ما إنتي مثل ما تستحقين المـود
ما تعرفين الحب والعطف واللين
ولا عاد في قلبي على الحب شدة






صوت الفناجيل


ياحبيبي لا تواعد مواعيـد وتغيـب
دامك تقول المواعيد من غير شهوة
والله إني من عرفتك وسميتك حبيب
اسمع بصوت الفناجيل ما شفت قهوة






قدها


أبمشي يلاخر الدنيا ولو كل الانـام قعـود
وعن وجه الزمن بكشف حقيقة وارفع لثامه
صحيح إني صغير السن لكن قدها وقـدود
وأنا عندي مع الدنيا مواقف ترفع الهامـة






خيانة



انقهرت ورحت بالخطوة وراي
يوم شفته من بعيـد يكلمـك
والله ان لولا العقل توه معاي
كنت اعرف اعلمـه وعلمـك






أربع ليال


ما اكتفيت امن العوى والغرام أربع ليال
واقفت أيام التلاقي وجا وقـت النـوى
كنت ابسلى وابتسم والتفت عنها شمال
لا قويت الصد عنها ولا قلبـي نـوى
ما هقيت ان الهوى عذب قلوب الرجال
لين ضاع العقل مني وتفكيري سـوى

منقول .....

مــــــــرهفة