ماكـل "عكـف الشـوارب" طيـب مفتولـه
"كل شارب له مقص اليا قصر.. طالـه..!!

والنـاس للنـاس .."شيالـه" و "محمـولـه"
ولا كـل "حمـل "...يبـي يقـواه شيالـه

بعـض الحواجب"علـى الطـولات" مفلولـه
وعض الحواجب " على العثرات " نزاله..!!

والحـر اذا " ماارتفـع " ..مايقبـل نزولـه
والبـوم لـو يرتفـع .. بالقـاع منـزالـه

نفـس مـن الـوقـت والأيام..."معلـولـه"
ونفس عليله ..مـن الرجـال وافعالـه..!!

من يرتجي من"سحـاب الصيـف "هملولـه
يموت"ضامـي" قـبـل يــذوق همـالـه

والرجـل لاصـا "شيـخ" وابـن حامـولـه
يضفي على الربع والمحتـاج بجلالـه..!!

لاصار "شفـق" علـى النامـوس والطولـه
مفـروض ماتنـزل افعالـه عـن اقوالـه

و"المهبد" اللـي .. يـرد القـوم فـي قولـه
"مسرد حكي" في مجالس ناسٍ حثالـه ..!!

"حمامـة الوجـه" مـن يمنـاه.. مقتـولـه
ماللحيـا فيـه "دم" يشـربـه ..فـالـه..!

وعـز الله ان "الحميـا" فـيـه ..مشلـولـه
رخوٍ "نهار العـزاوي" تقصـر حبالـه..!

"الشيخـه الـزايـده" وابلـيـس وطبـولـه
خلن "عمى القلب"يمشي شايـفٍ حالـه..!!

ليته عطى "صغر عقله" مـن "كبـر زولـه"
اوليت زوله نفع .."مـن لاذ بظلالـه"..!!

خبـلٍ .. يدربـي "سلـوم البـدو" بنعـولـه
يطيح قـدره "تحـت رجليـه" ماشالـه..!!

أبـواب "كـل المراجـل" عـنـه مقفـولـه
"والنعم" كايد عليـه .. ولا يتهيـا لـه..!!

يا وسـع بيتـه ويـا عرضـه ويـا طولـه
وياقل جـود "العفيـن" وياكثـر مالـه ..!!

مثلـه اذا مااستحـى مـن هالبشـر حولـه
على الأقل يستح مـن "ميلـة عقالـه"..!!

ودام يتـذرى "عـن ضيوفـه" اليـا جولـه
حلال "وسط المجالـس" دفـق فنجالـه..!!

لكـن نصيحـه "لوجـه الله" قولـوا لــه :
لو يلبس "ثياب إختـه" يمكـن اشوالـه..!!

لكـن نصيحـه "لوجـه الله" قولـوا لــه :
لو يلبس "ثياب إختـه" يمكـن اشوالـه..!!


ايوالله صدق شاعرها

أختيار جميل ومميز جداَ

وهذا يدل على ذوق راقي في الأختيآر

يعطيكـ العآفيه

ننتظر جديدكـ

ودام يتـذرى "عـن ضيوفـه" اليـا جولـه
حلال "وسط المجالـس" دفـق فنجالـه..!!

لكـن نصيحـه "لوجـه الله" قولـوا لــه :
لو يلبس "ثياب إختـه" يمكـن اشوالـه..!!

قصيدة رائعه ... في طياتها الكثير من الصدق والمعاااااني القيمه
قصيده مبدعه ... وشاامخه كشموووخ شآعرهآ ونآقلهآ ...

تقبل اصدق تحيآتي وتقديري ,,,

بنتظآآآآآآر جديدك ...

::: شيخة الغيد :::