السلام عليكم ورحمة الله وبركاته

مساكم الله بالخير... شخباركم؟؟ عساكم بخير

بصراحه اشتقت للمنتدى ولقسم الشعر بذات..هذي اول قصيده اشارك فيها بعد غياب

اتمنى تعجبكم
الحب شايب والفراق ابنـه العـاق
والوصل غايه والقصايـد وسيلـه

اثر المفارق له علاقـه بالاخـلاق
ويقصر طويلة صدر راعي الطويله

مافيه اشرّ من الهواوي ليا ضـاق
من ضيقته حتى البزر يشتكي لـه

ياللي غضبت وكانت حلولك فـراق
الغيـض ولعـه والمجـادل فتيلـه

ابليـس للفتنـه وللشـر سـبّـاق
يجيك في صورة رذيـل ورذيلـه

العين مايغـدي بهـا كـل بـرّاق
والاذن ماكـل الحكـي ترتخيـلـه

راعي الكلام يزّود الطاق بالطـاق
يحكي بشخص وياصله ويحكي لـه

خص ٍ ليا كان الحكي بين عشّـاق
ماله سوا: مالـك دخـل والفشيلـه

لو شفت وش قيمة غرامك بالاعماق
ماطعت لـو لامـوك فينـي قبيلـه

ياللي خدودك قطنه وعودك دقـاق
والوجـه ياحلـوه وياحبنـي لـه

عليـك ماظنـي بتحتـار الاذواق
الا اليـا كانـه هبيـل او هبيـلـه

صغيّر ٍ وتشيل حمـل ٍ ماينطـاق
وشلون عافـرت الحمـول الثقيلـه

وانا احسبنك طيّب وقلبـك رقـاق
يامـدرّس فنـون القسـاوه لجيلـه

رح والشقا على الهواجس والاوراق
ياللي عقب فرقـاه شوقـه بديلـه

اشتاق وادري مانت راجع لو اشتاق
مير العوض بالذكريـات الجميلـه
منقووول

لو شفت وش قيمة غرامك بالاعماق
ماطعت لـو لامـوك فينـي قبيلـه

هــلا وغــلا شمــوــوــوخ

نورتي المنتدى وان شآءالله أخر الغيبآت يآآرب

اشتاق وادري مانت راجع لو اشتاق
مير العوض بالذكريـات الجميلـه

صح لسآن شآعرهـآ وصح ذوق نآقلهآ
قصيده جميله بجميع أبيآتها أحترت وش أختآر منهآ
وهذا يدل على ذوق رآقي في الأختيآر

أشتقنآ لوجودكـ فلاتغيبي

هلابك يالغلااا انتي اللي منوره بطلتك الحلوه فديتك...
صح بدنك..ومشكورة على كلامك الحلوو

وانا اشتقت لكم اكثر والله
اسعدني تواجدك

شموخ تسلم يمينك على هالقصيده بصراحه روووعه ,,,, طبعا اختي الارجوانه ماخلتلي شي اقولة .... عموما صح الله لسانك والسان شاعرها .
لك كل الاحترام يالشامخة ,,, تقبلي مروري

تسليمن شموخ على هالنقل

قصيده رائعه مثل ذوقك

واخر الغيبات ان شاء الله

همس

الله يسلمك يالغاليه..طلتك الروعه والله

مشكوره على حضورك