السلام عليكم ورحمة الله وبركاته

تحية طيبة للجميع

من أوراقي القديمة ولكن موضوعها للأسف

مازال متجددا

.






فلسطينيـة صاحـت وهـي بيـن الرجـا والـيـاس
تهاوى بيتهـا وامسـت علـى الطرقـات مضطـره
تصد من الوجيـه وبعـض عورتهـا بـدون لبـاس
جميـع رجالهـا فـي ليلـة ذبحـوا علـى غــره
تشـوف اطفالهـا العـزل تشلـخ روسهـم بالفـاس
وهي مـن غبنهـا تفضـح عفـاف الجيـب وتطـره
تفيـض اعبارهـا وتكفـهـا بكمومـهـا اليـبـاس
لـو اعبـار الضعيـف المبتـلا مـا تبـرد الحـره
تعوذ من مسـاس العـرض بآيـات الفلـق والنـاس
بعـد مـا شافـت الفاجـر يشيـل الخبـث ويجـره
تحـت رحمـة حقيـر بالقـدم فـوق ارقبتهـا داس
يقول انهـا تعـوق امـن البلـد بالصـوت وتضـره
سحبهـا مـع شعرهـا واعتقلهـا ظلـم واستفـراس
ورماها فـي ركـن حبـس انفـرادي محـد ايمـره
يـدور ترقيـه وزيــادة مـرتـب ردي الـسـاس
عليـه الله واكبـر كـثـر مــا ينـكـره ويـقـره
عليه الله واكبـر كثـر مـا وسـوس لـه الخنـاس
وطـاوع وسوستـه وكثـر مـا يغـويـه ويـغـره
بكت والا شكت ما حركـت نخـوة عديـم احسـاس
يهـودي يـكـرر صفقـهـا مــره بـعـد مــره
يهودي يحسـب ان صفقـة وجيـه النسـا نومـاس
الـى بركـن تحـت رجليـه لا كــره ولا فــره
يهـودي عهـوده بالحكـي والا علـى القـرطـاس
مثل بطـن القـدم فـوق الصفـا مـا يطبـع الجـره
الى جـاك اليهـودي دون شـك امرابـي او بـلاس
يبيع العـرض والذمـه مـن اجـل المـال ويصـره
سلاحـه غـدر الآمـن والخيانـه عرقـه الدسـاس
وسـام ابطولتـه لاجــاب راس محـمـد الــدره
فلسطينـة تسهـر تصلـي مــا تــذوق نـعـاس
فداهـا فاسـق يسهـر علـى الـبـراد والـصـره
تصبر كـل يـوم فـي رجـا فزعـات ابـو نـواس
وابـو نـواس مـا فـرج علـى عمـره ولا سـره
ابـو نـواس مشغـول بحفـلات الطـرب والكـاس
ولو ان الحرب مـع جـاره يحاصـر بحـره وبـره
تبي جيش العرب يزحف على شلة همـج واخسـاس
اليـن جذورهـم عـن دارهــا تنـشـال بالـمـره
تبي في طفلهـا راس العـدو شـارون راس بـراس
عسى يطفي لظـى حـر القهـر والا بعـض حـره
تبـي غيـر اجتمـاع فـي ختامـه يعلـن الافـلاس
كـلام لا سمعـه الخصـم لا هـمـه ولا ضــره
تبي غير الوجيه اللي علـى الشاشـه تجـي عبـاس
مثـل بعـض العـرب يومـه نـذر نـذر ولا بـره
يحسب المعركه شبعة رخـا فـي غيبـة الاعمـاس
وتكبيـر الوسايـد بعدهـا والعـيـن فــي قــره
ورا بـاب عليـه اسـواط ظلمـه بايـدي الحـراس
جلـود الشعـب منهـا زرق والاوجـان محـمـره
ستر عورته ثوب مـن تحـت كعبـه طويـل قيـاس
يحسب ان عورة الرجـال مـن ركبـه الـى سـره
نسـى عـورة فلسطينيـة تعبـث بهـا الانـجـاس
تــزر ازرارهــا ويحـلـه الـدانـوع وتــزره
شعـارات علـى مـاش وسواليـف مـع الجـلاس
دعـايـات يصدقـهـا قلـيـل الـعـرف وتـسـره
يكذبهـا عقـل مـن جـرب الاوطـان والاجـنـاس
عــروف حكـتـه دنـيـاه بالحـلـوه وبالـمـره
يعرف اهل الرمك واهل الهجن واهل الصحن والطاس
ويعـرف اللـي تعشـا بالقريـب الجـار واجـتـره
ويعرف ان الردي ما شغلـت فـي قلبـه الهوجـاس
فلسطيـنـة قـطـع شعـرهـا طـاغـي جـــره
تبـي غيـر المرفـه لـو تهـز قليبـه الحـسـاس
تبـي روس القـروم اللـي تفـت الصخـر وتـذره
تبي فزعة جسـور مـا فـزع بالعـود والمـرواس
ضحايـا سطوتـه روس العـدا عنـد اول الـكـره
تحت سيف الشريعـه نكـس اعـلام الكفـر نكـاس
زعيم والجحود اللـي عـرف خيـره عـرف شـره
زعيـم تزبنـه غلـب الضعـوف وجامديـن البـاس
ومنـه قلـوب عـدوان العـرب والديـن محـتـره
يغـوص سياسـة فيهـا عقـول الفلسفـه تحـتـاس
تفاكـيـر هواينـهـا تحـيـر العـقـل وتـفــره
حما ديرة هل التوحيـد مـن حايـس ومـن حـواس
مرابعهـا لــو ايـكـن السـحـاب وينقـطـع دره
فـداه امجمـع التصفـيـق والتطبـيـل والدنـفـاس
عميـل فيـه خلـق الله ثـمـان سنـيـن مغـتـره
تحرا جية اللي مـن صغـره ايـروس مـا يـراس
فلسطينـيـة تـحـت العبـوديـه وهــي حــره
فلسطينيـة صاحـت وهـي بيـن الرجـا والـيـاس
ورا قضبـان مقـهـوره ومجـبـوره ومضـطـره

.





وسلامتكم

صح اللسانك

يعطيك العاافيه

كلماااااااات رووعه وتعبير ارووع

تسلم يدك اخووي

تقبل مروري

دلووعه