مع السلامه مالنـا غيـر فرقـاك....... والله مالي فـي موادعـك قـدره

الله يسمّح درب مثلـك وشـرواك ....... والقلب خله عنـد الايـام عـذره

أن ماقدر يصبر تكفيـه ذكـراك ...... لوكان في بعض التفاصيل قبـره

وان جادة الاحلام فينـا وشفنـاك ...... هي عبرةٍ تقفي على درب عبـره

أقفت تنشد عابـرٍ عـن مطايـاك ...... اللي لها بيـن الزمانيـن هجـره

تاقت وطاحت مالقت في زوايـاك ....... الا حنيـنٍ شلّـع القلـب جـذره

قلبٍ يفيق وينشد الصبح وش جاك...... واثرك ناوي من ورى العام هجره

هذي الحقيقة جعل ماجاك يفـداك ..... والرجل مايجبر على فج صـدره

أما تجي برضـاك ولا عذرنـاك..... أرحل وأنا ادري ما بقى غير شعره

بين الوداع وبين شوفـة محيـاك...... والقلب ماهو سلعةٍ وسـط كبـره

تبي تسلابي على جـرف دنيـاك ....... صخرٍ تساويني على حد صخـره

ماني صغير امك ولا من رعاياك....... لو شفت دمعي ينسكب وقت غدره

هذيك عبرة شايبٍ عاف ممشـاك...... من جاه يشكي ظنوته قال بصره

خلوه يسـرح بيـن ذولا وذولاك...... وان مت خلوني على باب قصره

خطو على التابوت هذي ضحاياك ....... وعساه يقنـع بـارك الله نصـره

وان شافو دموعك على حلق شباك ...... ما هي محنّه واغلب الظن فطـره

أدخل على اللي بدعك في شفاياك ....... الرجل وش قدره ليا فج صـدره

مع السلامة ما نبي غيـر فرقـاك ...... دام أنت مقفي مالنـا فيـك قـدره

ماني صغير امك ولا من رعاياك....... لو شفت دمعي ينسكب وقت غدره


ما احلى الشموخ والكرامة وعزة النفس في كل المواقف ..

مشكور اخي الحايلي على النقل المميز كالعادة ..

يسلموووووووووووو لموعه على المرور الاروع