يقول من هو جرب أشكال وألوان
شخص عليه الوقت لا زال مايل
حدتني الغربه على بعض الأوطان
أطرد سبب رزق أحاصيله قلايل
ما شفت بالدنيا عقب جو لبنان
إلا الهواء يا ناس بجبال حايل
ديره هل الطولات شمر وحجلان
وبني تميم وزهره أولاد وايل
واللى سكن به من عتيبه وقحطان
ومطير ستر من قظات الجدايل
واللى بها من حرب يا طيب الشان
لابد من نذكر عيال الحمايل
وياما خلق ربي من أبطال وأعيان
لاشك ماهم مثل سكان حايل
روح التميز عند الجواد برهان
كم واحد لا جاه حط الرحايل
يرتاح به القلب من الوجد هيمان
وتطرب لشوفه روح راعي الجمايل
يا ما بها من عز وسلوم و أشجان
وياما بثراه من العلوم الصمايل
للطيب قمه وللمواجيب عنوان
وأروع مثل للجود حايل وحايل
وحايل توحي لك العزه شناخيب سلمان
ملاذ من تاهت عليه الدلايل
يا شيب قلبي عذبه حر الأحزان
راحت حياتي ما قضيته بحايل
تفتحت بالنفس للوجد بيبان
وأبديت مضموني لسكان حايل
كان المنيه صادفت لابن وجدان
وصيتي أدفن بكثبان حايل
يذوب جسمي حول رمله رطيان
أسقي عضاه الدم والعمر زايل