--------------------------------------------------------------------------------
السلام عليكم ورحمة الله وبركاته
هذه محاورة بين الدكتور عايض القرني وتركي 2000
تركي الميزاني
سلام يا رمز الأدب والديـن وبحـور القصيـد = ياللي بنيت أمجاد وصروح ما تمحاها السنيـن
إنت بزمنا أكبر عطايا وقتنا وأغلـى الرصيـد = ولا أقول غيـر الله يخليكـم ذخـر للمسلميـن
عائض القرني
أهلا هلا بالشاعر المقـدام والشهـم الرشيـد = في حضرتك ننثر سنابـل كادهـا والياسميـن
إليا ذكر تركي ذكرنـا قصـة القـول المفيـد = أقطف زهور الورد من شعره على مر السنيـن
تركي الميزاني
الله يبـارك فيـك ياللـي كلمـا زادوا تـزيـد = وتبني من الأشعار ما تذهل عقـول السامعيـن
النار فاتح بابها والمـوت فـي حبـل الوريـد = لكن متى تصحـى قلـوب الغافليـن النايميـن
عائض القرني
ذكرتنـي بالنابغـة والبحتـري وابـن العميـد = مجالس المأمـون فـي بغـداد وأيـام الأميـن
معاوية نمدح علومه ميـر مـا نمـدح يزيـد = وش لون نمدح من توهق حيل في قتل الحسين
تركي الميزاني
هذي شهادة والشهادة منك يـا دكتـور عيـد = نبي نعلقهـا علـى جـدار الزمـن للتابعيـن
عائض القرني
أبي أرسل الأشواق لكن كيف يحملهـا البريـد = أحسن نوصلها وليلـة عيـد شـوق الطيبيـن
أرجوك خبّـر كـل مخـذول وشيطـان مريـد = قبر الغـزاة ديارنـا وحنـا عيـال الفاتحيـن
تركي الميزاني
ضاعت حلول المشكلة يا شيخنـا مابـه جديـد = إلا غرور أهل اليسار وصمت أصحاب اليميـن
مدري نقول لما مضى من وقتنـا ليتـه يعيـد = وإلا عليك نهل كل الدمـع يـا بـدر وحنيـن
عائض القرني
اليآس ذنب وعندنـا أحفـاد المثنـى والوليـد = والشبل من ذاك الأسد وأرض الوطن كله عرين
من يعتصم بالله ربه عاش في عمـره سعيـد = يبشر بحفظ الله له ويكون في حصـن حصيـن
تركي الميزاني
حنا بلشنا بالقريب اللـي عـرض دون البعيـد = يا صعبها لا حولت ما بين خشم وبيـن عيـن
الجرح مبطي مابرى والصبر ذاب مـع الجليـد = ولا أقول غير الله يعين القانتيـن الصابريـن
عائض القرني
حنا تعودنا علـى طحـن الحجـارة والحديـد = ولا نخـاف المـوت لنّـا للجنـان مسافريـن
عدونـا والله مـا يحميـه زيـد ولا عبـيـد = على جماجمهم نشيد مجدنـا الباهـي المتيـن
منقوووووووووول
03-08-2007, 06:05 صباحا
العرض العادي
