رحلت ومقصدي كله.. عشان انساك
نسيتك ؟ لاحشى واللي خلق راسي تناسيتك


تناسيتك نعم لكن بقت في داخلي ذكراك
بقى في داخلي زولك بقى في داخلي بيتك


ألا ياكيف أنا بآسلى ليالي غربتي واسلاك ؟
مدام اني ليا جيت لمرآية غرفتي جيتك


أشوفك في وسط عيني وأغمضها عشان امحاك
واشووفك داخل جفوني إذا غمّضت [ ضمّيتك ]


[أضمّك] واشتكي طيفك على طيفك بدون إدراك
وانا في غربتي ليتك تحس بحالتي ليتك


ورى عوج الضلوع ألقى بقايا ضحكتك والقاك
وأسافر لك وانا حيّك واسافر لك وانا ميتك


نقشت [أسمك] على عرق الخفوق اللي فقد يمناك
واذا مرّ النفس صدري تذكرتك وحيّيتك


شهور مرّت وانا قلبي يعيش بضيعته بحماك
بدون أسباب لاتسأل ليا منّي تمنيتك


أهذري بك واغني بك ( أنا اهواك أنا أهواك )
وأمرّك تايهٍ .. واذكرك لامني تعديتك


حبيبي طالبك تكفى سألتك بالذي سواك
وش اللي يمنع عيوني ليا جيتك وراعيتك ؟


تحاكمنا على الفرقى بدون اسباب يامقساك
تخالفنا .. تعدينا الحدود .. ورحت خليتك ..


كذا مامن سبب يشرح نهاية قصتي وياك
تكبرت .. وتكبرت .. وتحديت .. وتحديتك ..!


تفارقنا ودمعات [القهر] تخشع على فرقاك
وبلاي اني من دموع الوداع المرّ واسيتك


حبيبي والفضا كله مساحات وسما وافلاك
يضيق وغيبتك قشرا .. وانا جيتك وناجيتك


مدام ان الغياب اللي يداعب غربتي فتاك
أمانه لاتجاهلني .. وانا للوصل ناديتك


صحيح اني تجاهلتك وخليتك عشان [انساك]
ولكن والذي سوى عروقي .. بس تناسيتك


تناسيتك نعم لكن بقت في داخلي ذكراك
بقى في داخلي [حبك] .. بقى في داخلي بيتك


وسلاااامتكم ..

صح لسانك



قصيده رائعه

تسلمين ويسلم الذوق الراقي في الانتفاء


يعطيك الف عافيه

في انتظار ابداعك الجديد

مغليتك
رعووووشه

مشكوره يابعدي
على مرورك العطر

نورتي الصفحه بردك الرائع
تحياتي لك
البـــــــــــــــــــــــــــــارونه

صح لسانك
الله يعطيك الف عافية على قصيدتك
وموضوعك الرائع \
اختك

مشكوره حبيبتي على مرورك العطر
نورتي الموضوع بردك الرائع
تحيااتي لك
البـــــــــــــــارونه

تسلم يابعدي
نورت الموضوع بردك المتواضع
الله لايحرمنا منك ولا من ردك
لاتخليني احلف انك انت حاامد هههههههههههه

تحياتي لك
البـــــــــــــــــــــــارونه

هههههههههههههههههههههههههههههههههههههههههههههه
مشكور
حاضرين لطيبين