بسم الله الرحمن الرحيم
كيبورديه وخيالات فارغه تراودني
جـوالــي الـمـاخـوذ مـــادق يـومـيــن
مـاشـافـت عـيـونـي رقـــم تستـنـيـره
يالله عفـوك يالربـع صــرت صفـريـن
عـلــى يـمـيـن القـايـمـه المسـتـديـره
وشريـان قلـبـي ضـاربـه كالسكاكـيـن
وأعروقـهـا يـالـربـع مـالــه غـريــره
رفـعـت انــا الـجــوال ابـتـصـل زيـــن
دقـيـت رقـمـاً مـــن هـوايــا خـطـيـره
وأضغط صفر خمسه مع الصفر تخمين
وسمـعـت دقــة يـأبـو خـالـد شـكـيـره
قالـت اللـوه قلـت أوه يابـنـت مخطـيـن
مـنـك السـمـاح وكــل واحـــد بـديــره
حـاولـت ابــرر كذبـتـي قـلــت داقـيــن
عـلـى الـرقـم يابـنـت قـبــل الظـهـيـره
قالـت ابـد ماهـو انـا قلـت اجــل مـيـن
قالـت لـو اعـرف قلـت مابـه عسـيـره
قلـت اسمعيـنـي زيــن يابـنـت تكفـيـن
أنــا حـشـايـا مـــن الـكــذب يـأمـيـره
دقـيـت رقـمـك والله أعـلـم بالامـريـن
مالـي ســواء رقـمـك يديـنـي سعـيـره
قالـت لـي ارحـب قلـت اهـلاً وسهليـن
قالـت يازيـن الـصـوت يـبـن العشـيـره
قالت ابعرف انـت مـن ويـن مـن ويـن
قـلـت الـديـار الـلـي بـوسـط الجـزيـره
غــزلا وحـبـه داخــل القـلـب والعـيـن
بعـد الجـدب خضـراء وطلعـه خضـيـره
قالت لي اصلك قلت مخلوق من طيبـن
الـديــن ســـاو الـنــاس بالمسـتـديـره
لـكــن مـــردي لـلـرجـال الاصـيـلـيـن
حــراً تميـمـي يعجـبـك فـــي مـطـيـره
قالت لي شاعر قلت من خمسة اسنين
شاعـر ولـي فالشعـر مـخـزن ذخـيـره
اللعـب بشعـري لعـب زيـدان بالصـيـن
لامــن تفـنـن وعـوكــس المسـتـديـره
قالـت كفـو قـلـت العـفـو لــو تقولـيـن
أسمـك وعـمـرك والـوطـن والعشـيـره
قالـت انـا بنتـاً ولــي عـشـرة أسنـيـن
أطـيــح الـرجــال فـــي كــــل ديــــره
قلـت الاصابـع فـي يـدك دون شكلـيـن
والله يـعـلــم وش خـفـايــا عـبــيــره
يابنـت انـا مانـي مــن الـلـي تخبـريـن
مـن معـدنـي مـاعـرف درب ووعـيـره
أعـشـق سلـومـي وأتنـهـى بالامـريـن
طلـق الشـنـاب ورفــع راس العشـيـره
البـنـت تسـتـر نفسـهـا والسـتـر زيــن
وابليـس يبـنـي ذنوبـهـا مــن صغـيـره
كـانــك بتقـلـيـد الـخـواجــه تـبـاهـيـن
وراك يـــوم الـحـشـر نـــارٍ سـعـيــره
هـي صدمتنـي وقلـت يـالـذوق تـدريـن
بــودعــك وانــــام عـيـنــي غــريــره
ومـن بعـدهـا خلـيـت هالـخـط خطـيـن
وعــودت كـلـي للـسـيـوف الشـطـيـره
وسلامتكم
دقيت رقمك والله أعلم بالامرين
العرض العادي
