فيصل العدواني
شاعر اعيش بقصايده احساس ثاني
وخاصه قصيدته طواري ليل
استمتع فيها كثيييير
وحبيت تشاركوني روووعتها
/
/
الضيقه اللي تقلبني واقلبها
يالله عساها طواري ليل وتعدي

لي يوم ثالث تجاذبني واجاذبها
الين شدت بيديها على يدي

ماكني الاقريبٍ من قرايبها
وماكنها الاسليله من نمى جدي

ياكثر ماهي لفتني وكيف احسبها
بس الوكاد بغثاها بيحت سدي

اطرت لي ليل الثلاثه وامسية أبها
ذاك المساء البغيض الحالك الندي

قومٍ تفتل من الضيقه شواربها
والحق معهم وانا اللي جاوزٍ حدي

اضعفني ضعفي وانا اللي كنت غالبها
ثوب الشجاعه غدى ماهو على قدي

مابين قصر نعم وش قلت واسحبها
كان الحديث الطويل المرهق الجدي

حدوني ابعد ولااقرب يم مضاربها
والحق يركب من اللي كان متعدي

اذكر حلفت وقسمت ارحل ولااقربها
وشلون ماادري ولكن كان ذا ردي

قفيت عنها اغصب الرجل واسحبها
كنه بودي وانا والله ماودي

ادري خذلت الهنوف وكنت مغضبها
ماهو بكيفي زماني واقفٍ ضدي

غلبني وقتي كثر ماهو مغلبها
لاهو تهيا ولاهو قابل يهدي

لوهي دموعي ترد الوصل بسكبها
الين تجرح وتاسمني على خدي

مير البلا ماتفيد وحظ صاحبها
ماطاب لحظه ولامن طاب متردي
خلها على الله وانا من وقت كاتبها
بصبر وابرجي عزومي واعتزي شدي

الضيقه اللي تقلبني واقلبها
ياعونة الله يجيها يوم وتعدي

للإستماع

http://www.alqsed.com/file-5405.ram


للتحميل

http://www.alqsed.com/file-5405.rm

لوهي دموعي ترد الوصل بسكبها
الين تجرح وتاسمني على خدي

مير البلا ماتفيد وحظ صاحبها
ماطاب لحظه ولامن طاب متردي



/

الله الله عليك يافيصل


ماشاء الله عليك


صح لسانك

شاعر يملك أحساس راقي جداً


للغلا ميعاد
تسلمين على ذوووقك الراقي والرائع


دمتي كما تحبين


/

\

دعاني الشوق

قفيت عنها اغصب الرجل واسحبها
كنه بودي وانا والله ماودي

:::::::::::::::

الله عليكي يا غلاوي

تسلمين ع النقل الرائع
^_^

دعاني الشوق
شيخ الشباب
قيم اوفر
سر الغلا
^
تواجدكم هو مازاد صفحتي روعه
وعطرها بردودكم
شاكره لكم مرورك الذوق
ربي يحفظكم ويخليكم