بسم الله الرحمن الرحيم

السلام عليكم ورحمة الله وبركاته


هذي قصيده جميله اعجبتني للشاعر ’’فهد بن مساعد’’

اتمنى تعجـــــــبكم

من عز نومي صحيت وشفت في عينـي

دمع تهادى علـى جفنـي وأنـا غافـي

ستـرت دمعـي بكمـي قبـل يغرينـي

وأخذت هذا الجسـد مـن باقـي لحافـي

وسريـت تايـه ورا خطـوات رجلينـي

لا الوجه وجهي ولا أوصافي هي أوصافي

أمشـي وأقـول لطريقـي لا توديـنـي

لعيون ناس تبـي تـدري عـن الخافـي

أمانتـك.. خلهـا مـا بينـك وبيـنـي

خابرك يالـدرب خـوة عمـر وسنافـي

مـا ودي النـاس تـدري وش يبكينـي

كرامـة النفـس ورث أبـوي وأسلافـي

أمشي وأحس الخناجـر فـي شرايينـي

والبرد يمشـي وراي وينهـش اطرافـي

وحيـد والليـل بـردونـه يغطيـنـي

تقـول كـن البلـد روح بهـا السافـي

إلين ما أوحيـت لـي صـوت ينادينـي

صوت أعرفه مثل ما أجهل وش خلافـي

قمـت أتلفـت وانــادي لا تخليـنـي

ما غيره.. الصوت هذا صوتـه الدافـي

ولمحت زوله من أقصى الدرب لافينـي

مدري وش اقول لكن حـي هـا اللافـي

تعال.. شف غيبتك كيـف أثـرت فينـيت

تعال.. شفني وأنا أغرق عقـب مجدافـي

تعال.. خذني ورحبـي مـن عناوينـي

تعبت أعدي على جمـرك وأنـا حافـي

تعال واقطف بصوتـك زهـرة سنينـي

كـل المواعيـد عقبـك شمعهـا طافـي

تعـال وازرع خصـل شعـرك بكفينـي

بضمهـا ليـن أحـس بليلـك الظافـي

تعال وشفيـك خايـف؟ أنـت ناسينـي؟

قطعت صوتـي عليـك وطـال ميقافـي

حتى بديت أشعـر أن الحـب معمينـي

وان أنت حلم عثى فينـي وأنـا غافـي

لكن أمانـة تـرى اللـي فـي كافينـي

إن رحت منك كذا مـا رحـت متعافـي

بصـدق الحلـم وأحـذر لا تصحيـنـي

في خاطـري كلمتيـن إن قلتهـا كافـي

أمانة الله عليـك إن غبـت عـن عينـي
لا يكون قلبك مثل قلـب الزمـن جافـي

مع كـل دمعـة تذكـر رعشـة يدينـي

ومع كل ضحكـة تذكـر قلبـي الوافـي


تحياااتي : جالكسي..,

صح لسانك ولسان شااعرهـآـآ


وتسلم يدك على هالنقل الرائع والجميل

يعطيك مليون عافيه

دمتى بود

قصيده روعه لكن انتي اروع
تسلم يمناك امتعتينا
واكيد القصيده اعجبتنا مرسي