أبد ما جيت ابارك لك ولكن جيت باوصيك ،،
.. .. .. .. .. .. .. .. .. .. على اللي ناوي(ن) تدخل بها الليله معذبتني ،،

ترى لولا الظروف اللي عطتك وحدة محاكيك ،،
.. .. .. .. .. .. .. .. .. .. قسم بالله ماتدخل عليها لو على رقبتي ،،

ولكن النصيب اقوى ولا أدري وش اسوي فيك ،،
.. .. .. .. .. .. .. .. .. .. نعم صارت معزبتك ولا هي معزبتي ،،

كذا شاءت بنا الأقدار لجل تحرمني لجل تعطيك ،،
.. .. .. .. .. .. .. .. .. .. كذا عشان تفوز إنت وأنا أخسر بتجربتي ،،

تراها غاليه جدا وتكفى الله يخليك ،،
.. .. .. .. .. .. .. .. .. .. تدللها -- وتدلعها -- وتنسيها مصاحبتي ،،

أنا من كثر ما أغليها أحس إني بديت أغليك ،،
.. .. .. .. .. .. .. .. .. .. ولا تسأل بأية حق ولا وش مناسبتي ،،

لأنك لو بتسأل !! بتسمع شي مايرضيك ،،
.. .. .. .. .. .. .. .. .. .. لذا يا أخوي لا تسأل ولا تسمع لأجوبتي ،،

أبيك تحطها داخل عيونك وبين إيديك ،،
.. .. .. .. .. .. .. .. .. .. وهي دلوعه وإعتادت على مداعبتي ،،

وداعبها شوي شوي حتى تشتهي طاريك ،،
.. .. .. .. .. .. .. .. .. .. وشاغبها إلين تقول بطل من مشاغبتي ،،

وإذا هي مالها خلقك ؟؟ ولا تضحك ولا تسليك ،،
.. .. .. .. .. .. .. .. .. .. تحملها ،،، وإسألها ؟ ياعمري ليه عصبتي ،،

وبالك أسمع إنك بيوم تضربها وهي تشكيك ،،
.. .. .. .. .. .. .. .. .. .. مايحتاج أوري لك بفنون الضرب موهبتي ،،

صحيح إنك بتملكها ، ومعك العقد بالتمليك ،،
.. .. .. .. .. .. .. .. .. .. وأنا أعرف حدود الله ، ومن حقك معاقبتي ،،

ولكن قلها : المجنون وصاني وهو يعنيك ،،
.. .. .. .. .. .. .. .. .. .. يقول إنه بينتظرك لو : شيب وشيبتي : ،،

وأنا مجنونها اللي مانساها وإنت مايمديك ،،
.. .. .. .. .. .. .. .. .. .. تغطي ذكرياتي ،، في هواها وربع تجربتي ،،

أحس إني تماديت بكلامي والغضب حاديني ،،
.. .. .. .. .. .. .. .. .. .. ولو إنك في مكاني ماتفكر بمحاسبتي ،،

كفاك إني تركت الليه أشغالي عشان أجيك ،،
.. .. .. .. .. .. .. .. .. .. دخلت القاعه برجلي ولا ادري وش عاقبتي ،،

وأنا ماجيت أخرب عرسك الليله ولا آذيك ،،
.. .. .. .. .. .. .. .. .. .. وأنا جيت علشان أخاطبك وإسمع مخاطبتي ،،

توصى وأحرص عليها ،، والله يهنيك ،،
.. .. .. .. .. .. .. .. .. .. ترى كل الكلام اللي طلع من ضيقي وكبتي ،،

ولكن ماقدرت اقول وإنت مايخفيك ،،
.. .. .. .. .. .. .. .. .. .. أخاف إني إذا قلته ،، تقوم وتقطع رقبتي ،،