السلا م عليكم ورحمة الله وبركاته


يمكن لاحظتوا انو حلاوة صار لها فترة مادخلت المنتدى وذلك بسبب سوء حالتها النفسية وطبعا انا حاولت اعدل هالنفسية بس ماقدرت وهي غايبة عن المدرسة يوم الربوع والسبت ولما اكلمها تبكي وتحزن وانا ابغى منكم مساعده عشان نطلعها من هالحاله من جد قلبي يتقطع لما اشوفها بمثل هالحاله هي صديقة غالية بس ماعرف شسوي الصراحه اول مره اكون عاجزه اني اسوي شي لهابليزززز بنات شباب ساعدوني ؟؟؟

اللهم اهدنا فيمن هديت

وعافنا فيمن عافيت

وتولنا فيمن توليت

وبارك لنا اللهم فيما اعطيت

وقنا واصرف عنا شر ماقضيت

انك تقضي بالحق ولا يقضى عليك

مافي يدينا غير اننا ندعي لها بالعافيه

الله يشفيها سبحانه قادر على كل شي


اللهم اشفيها واشف المسلمين اجمعين

يعطيك العافيه دلوعه ماقصرتي

معليه يادلوعة ابوك هذي مراحل لازم يمر فيها اي انسان يمكن هي منزعجه من حاجة اوشغلة يعني حبيبتي لاتخافين عليها ؟؟ ان شاء الله مافي حلاوة الا الخير .. وترى الدموع مرره زينه لأنها تريح ... وربي يخليكم لبعضكم ..

دلوعه

دايم الأستسلام للزعل والحزن يزيد الأنسان هم وتعب أكثر

لكن المشاكل مانواجهه بالأستسلام لازم تكون اقوى من كذا

وانها تكون انسان مؤمنه بان الي بيصير هو أمتحان من الله عز وجل ودايم الصبر مفتاح
الفرج

حاولي تكوني معاها في كل شي ودايم حاولي تخففين عنها

ولاتحاولين تكلمينها عن الي تشعر فيه

الأهم انك تحاولين تخلينها تنسى واتكلمي

معاها بمواضيع تكون فيها فرح وفرفشه

وقوليلها ان كل شي في الدنيا يبدأ صغير ومع الأيام يكبر

الأ الحزن والمشاكل تكون في بدايتها كبيره ومع الصبر والمواجهه والأيام بتصغر لحد ماتختفي

وأنصحيها تكثر من أدعية الصباح والمساء .... فبذكر الله تطمئن القلوب

وان شاءالله كلنا معاها بقلوبنا وبلغيها انها هي مو لوحدها

كلنا نحبها وأخت عزيزه علينا ومشاعرنا معاها

وان شاءالله تعدي الأزمه على خير وربي يكون معاها

دلوعه

وصلي سلامي لها ولازم تطمنينا عليها

قلبي معاكم

أختكم .. الأرج ـــوانه

سنكرس الشرقيه ..

مثل ماقالت الارجوانه انتي لاتسالينها شفيك دامها متضايقه
وحاولي تونسينها وتشغلينها

وانتي ياقلبي لاتشيلين هم

كل انسان يمر بهالحاله

وخليها تتقرب لربها

على الاقل تكثر من الاستغفار

ووصليها سلامنا كلنا
وقوليلها ننتظرك ترجعيلنا بالسلااامة

الله يوفق انتي وياها
ويوفق الجميع

مشكورين جزيل الشكر لتجاوبكم معاي ماقصرتوا .. واحب ابشركم ان حلاوة رجعت طبيعية الحمدلله .. وطبعا هي وصتني اسلم عليكم كلكم واقولكم ان هي مشتاقة لكم ..