السلآم عليكــم ورحمة الله وبركاته
.
جـآيـب لـكـم الـمـوضـوع هـذآ بـنـآء عـلـى طـلـب عضـو مـن إعـضـآء الـمـنـتـدى اتـمـنـىآ يـعـجبـكم
.
الشعراء .. كالمطر
تسكنهم الوداعه .. والهدوء .. والفوضى .. والصخب !
سرمديون كالليل
وواضحون .. كالصبح
يقتلوننا احيانا
ويحيوننا احيانا اخرى
عبثيون ..
لدرجه أنهم يحفرون في قلوبنا الحيره !!
وطيبون //
لدرجه انهم ينبتون في طرقاتنا ألف وردهـ ووردهـ ..
إنهم كالمطر ..
هؤلاء هم الشعرآء
وفيصل العدواني أحدهم
....
فيصل << حاله مطريه >> شديدة الكثافه ..
//
\\
//
جهل نرسم امانينا .. حرار ما تعرف قيود
وحنا مابنا واحد سلم من ظلم سجانه
عبث نكتب مشاعرنا قصايد .. والعنا مولود
ربا داخل محاجرنا وصرنا نعشق احزانه
...
وهو << حاله سرمديه >> لدرجة التيه ..
//
\\
//
أذكر اني كنت اهوجس في غلا هالآدميـه
وأحسب للحظة لقاها هالدقايق والثوان
وأذكر اني كنت اشكك في وجود الجاذبيه
وأتساءل ليه أطيـر لا دعتني في مكان ..؟
...
أحيانا شديد القسو ه ..
//
\\
//
خلها على الله ماهي أول خسـآره
يآقلبي أصبر يمكن تكون خيره
إن كان ماوده يجي بأختياره
اللي خلقه الله .. خلق ناس غيرهـ
...
واحيانا شديد الحب ..
//
\\
//
ما كنت ابيها تصير واليوم صارت
هاللحضه هذي ما تمنيتها تصير
أوادعك واشوف دمعتك حارت
واهمس لك بحسره : أشوفك على خير
----------------------------------------
وهذي بعض القصائد التي نقلتها لكم من ديوانه الجديد (( الطلسمه ))
وها انا اتمتع بقراءته ..
----------------------------------------
.. (( تبقى يــآ وطـــن شــآمخ )) ..
يا هجوس الشعر فزي واجلبي عذب الكلام
واجمعي من بحر فكري كل دره والثمين
واكتبي اجمل قصيدة دونيها بانتظام
وبتدي بسم الاله الواحد .. الفرد .. المعين
اكتبي بالديره اللي من دخلها ما يضام
ديرةٍ ما يوم زلت في حقوق المسلمين
ديرة من طيب أهلها اندحر جيش الظلام
عود ايجر الهزيمه خايبٍ باله حزين
يوم دكته المدافع .. ماجنا غير الهدام
ولعت بغداد نارٍ ما تهيد .. وتستكين
والله إنا ما بغينا الحرب .. ونيران الحطام !
حدنا طاغوت دجله حده ابليس اللعين
صور الدعوه سهاله في عيون ابن (( الحـ ... ))
مادرا بالحق يظهر حاضرٍ أو بعد حين
حافظك ربي ياوطن فوق الغمام
مثل نجمٍ معتلينا رغم كيد الحاقدين
حافظك ربي وتبقى شهر .. شهر .. وعام .. عام
بالزمن رمز البطوله وكبرياء المؤمنين .
----------------------------------------
.. (( زآيــد )) ..
قصيدة رثاء للمغفور له بإذن الله تعالى
الشيخ / زايد بن سلطان النهيان رحمه الله
ماحصل .. شي عظيم ولا حشا ماهو بعادي
يفجع الطفل الصغير ويحرمه لذ المبيت
كن الكون كله أصبح في عيني رمادي
وان قويت أمنع دموعي حزن قلبي ما قويت
لملميني يا حروفي وألبسي ثوب الحداد
يعلم الله ما كفيتي ياحروفي ولا وفيت
حث شيخٍ يعتلي الطولات ويرد المعادي
ماذخر خيره لنفسه وعممه في كل بيت
من صغر سني وانا اسمع جمله حافظها بفؤادي
يعني أول ماعرفت أقصد .. من وعيت
ان (( زايد )) عز شعبه حضرها ويا البوادي
لين صاروا مضرب الامثال وللعربان صيت
ايه صحيح اني بعيد الدار واسكن في بلادي
لكن اشعر في ضميري اني بدياره ربيت
يالله ارحم شيخنا يالله يارب العبادي
انت وحدك من عطانا وانت وحدك من خذيت
من هو غيرك لا لفانا الكرب نرفع له الايادي
وانتضرع لك بخشيه وحدك بوعدك وفيت
يالله اغفر لـ (( زايد )) يا إله لك ننادي
نرتجي تسمع دعانا ولا نعارض ما قضيت
وان سلبه الموت منا العمر لأتلى النفادي
ويبقى الحي في حشانا لا حشى ماه و بميت
ماحصل .. شي عظيم ولا أبد ماهو بعادي
والحزن ماهز قلبي .. الحزن هز (( الكــويت )).
----------------------------------------
.. (( قروض )) ..
وهذه القصيده تتكلم عن المشكله
التي تكلم عنها المجلس الامه .. ألا وهي القروض
الليله الليه نبي نفتح الباب
يعني بسولف واكثر الناس دارين
سوالفٍ علمو بها اقراب واجناب
ماهي سياسه يعني بين بينين
دامي بديرة عدل ماني بمرتاب
والشكر للي رابط الحكم بالدين
ولا يقطع الارقاب سوا رب ما غاب
اللي خلق لي عين .. و من هالجهـة عين
حنا إبتلشنا بين صادق وكذاب
وإشاعه تمشي ولا ادري على وين
ضعنا وتهنا بين مجلس ونواب
مابين طاح الدين .. وماطاح هالدين
عضوٍ يهدي وعضو منهد طلاب
هذاك طيب وهذا والله مليعين
وعضوٍ يهدد والهدف كسب الاعجاب
وعضو محبة ديرته بين قوسين
والا الحكومه لنسبت وسط هالناب
حلت وزارة مالها كود شهرين
والدعوه ضاعت بين صيحات وسباب
وحنا انفقرنا ولا جنينا ملايين
هم المواطن بس تكسير الحساب
والقسط يذبح لا وصل حد تسعين
(( فهد )) يبي لعبه و (( شيمه )) تبي كتاب
و (( هلآ )) طولت وقصرن الفساتين
والراتب الماخوذ عشرة الشهر ذاب
طار وتبخر ما بقى منه قرشين
غير العنا تزاحمت ذيك الاسباب
حوايجٍ خلت لها البال بالين
وشفيها يعني لفتحو كم دولاب
من خزنة الدوله وعسى ربنا يعين
حنا أحق من الاجانب والاغراب
والشعب طيب وانتو أصل الكريمين
بس بصراحه لو شعر عارضي شاب
هذا البلد عندي بكل البلادين
فيه بركة والخير به حيل جذاب
والطيبه بأهله ما تبدل بثنتين
يالله طلبتك وانت لي خير طلاب
تحفظ بلدنا ورددوا بقول آمين
ولا جيت يم الحق محتاج لإعراب
بقول انا الزبده وابي تسمعوا زين
حنا عشقنا كويتنا سيف وتراب
من قبل يظهر نفطها والبلايين
وآل صبـآح من دونهم ترخص ارقاب
سـآكن غلاهم دمنا والشرايين
واذا فتحنا باب بنسكر ابواب
والشعر احرف ويتدون عناوين
وهذي سوالف قالها اقراب واجناب
ماهي سياسه يعني ما بين بينين
.
.
.. (( المزاج )) ..
المــزاج اليــوم عــالي وفللـي
رايقٍ بالي وجوي معتلـي
بس كـــذا لزوم الانبساط
انت يـآ (( عايد )) بصوتلك (( علي ))
لا تجادلني ولا تزيد الملام
أحمد الله مادعيتك (( فرغلي ))
يا ولــد هالدعــوه خربانه معي
يعنــي لا تنقد ولا تشره علي
ودي أضرب كل شي بعرضٍ بطول
وأتــرك المنكوس وهوبالت هلـي
ثم بوجهها على الشعر الفصيــح
بشتويه أحيــآن وأحيــآنـأ قلي
أقترب ببدا وثم خلك معــي
من بعــد هالشطر دقق مدخلي
لــي فتاةٌ عذبتني بالهوى
لـم تُزيِنُها الأَسَاورُ والحُلي
بل هي مـن زينت تبر الجبال
صاغها من هو بعرشٍ مُعتلي
قد رأيتُ منهـآ السبع العِجاب
إن مشت مـآلت غصون السنبلي
طرفها يخطر إليك بالهلاك
إن تداعت بالحرير القاتلي
(( ورعةٌ )) ما مِثلها عيني رأت
(( أمحقت )) قلبي وجسمي ناحلي
ورعةٌ مع امحقت هذي لنا
لعنبو هالعرق يصلاني صلي
قلت أبسلك مير ما سلكت موانا
مبتلي نفسي ولاني مبتلـــي
قــرد حظي كــآن شعري ما ذكــرت
القصايد ما اتعدى منزلي
ويابري حالي من حرووف السكون
والماخوذ الجر وأبن الدؤلي
كلمتين وكني داخل في جهاد
ناشفٍ ريقي وحالي امبهذلي
لين طالت يا عساها للذهاب
وانكتم صدري بعد ماهو خلي
عايد اسمع طالبك انسى القصيد
واللي قلته لا يحط بفايلي
ارم ما قلتــه ورا ظهرك وكاد
والسموحــه منك لا تنقد علي
---------------------------------
فيصل العدواني ..
هو أبن الشااعر فهد بن هــآدي العدواني
-------------
ولمحبي فيصل العداوني
ايميلـــه : al-3adwanii@hotmail.com
انا جبت لكم ايميله من ديوانه الشعري (( الطلسمـه ))
مكتوب بأول صفحه
01-28-2007, 10:18 مساء
