بديت باسم الله خط الكتابه
منشي همايل السحايب والامطار
يالله يا منشي المطر من سحابه
انك تزيل الهم يارب الاقدار
من بعد ذكره صنعت معنى الاجابه
مثايل مابين در محار
من شاعر لاقال يازن جوابه
يخاف من هرجه قفا كل هذار
قلته ياميرن عز من التجابه
زبن الدخيل وعون من ذاق الامرار
عليك بالضرغام ذيب الذيابه
(عبدالله بن سعود) لاصرت محتار
اللى عن الضيفان ماصك بابه
ملزوم تلقا به معزه ومقدار
ليا شاف ضيفه قال يامرحبا به
من عادته يامر على شبه النار
تلقا الكرم والجود تلقا الوفا به
ةتلقا الدلال اللى بها البن وبهار
راع الوفا والطيب راع النجابه
قول وفعل ماهي سواليف واشوار
حين نشأ بالمرجله من شبابه
حرن تسلسل من صواريم الاحرار
جاز العلوم النادرات ومشابه
وخواله اللى بالمراجل لهم كار
شفنا( يابو متعب) معزه وثابه
حماك ربي من تصاريف الاقدار
(عبدالعزيز) ابوه راع المهابه
مرحوم يادواس صعبات الاخطار
الليث ليا شاف الخطر مايهابه
(عبدالعزيز الفيصلي) هيبه الدار
مجد العروبه كونه واعتنا به
عنوان عز وللمناعير تذكار
(صقر الجزيره) كل رجل يهابه
فتال نقاض محنك وجبار
ياويل من عاداه حظه هفا به
هذاك عده من قصيرين الاعمار
هذا الوكاد وكل شخص درا به
اخوان نوره من طويلين الاشبار
وصلوا على اللى شرف الله جنابه
شفيع الامه يوم تسكير الابصار
محمد اللى سنته يقتدا به
اللى بعثه الله بالحق مختار



وسلامتكم

اللهم صل وسلم عليه ..

صح لسانك حايلي .. قصيدة قمة في الروعة..

تقبل سلامي الحار..

اللهم صلي وسلم على من لانبي بعده

صح لسانك اخوووي

والله يخلي ابووومتعب لنا ويطووول في عمرره يارب


اخووك
عذاب الصمت

صح لسانك اخووووي
بننتظر جديدك

صــــح لـــســـانــــك

مشكووووووووووووووووووووووووووووورين على التواصل الرائع

وابو متعب حقه اكبر من قصيده لاكن

ادري ان الشعر يحتار لامن وصفته
لاصار موصوف تعدا المواصيف

ودمتم بود