أحمل الورد بين كفيّ
وهذه القصيدة
أنثرها هنا
لتستقبلها
قلوبكم العامرة بالحب
بعد ان تلقيتها على ايميلي
علها تنال اعجابكم كما نالت اعجابي
[poem=font="Simplified Arabic,4,white,normal,normal" bkcolor="transparent" bkimage="backgrounds/21.gif" border="outset,4,gray" type=0 line=0 align=center use=ex num="0,black"]
حطني على كفّ الزمن والآه منـي استعذبـه=خلني على طرْف الأماني بْلا ضمير وْلا خيـال
خل الشعور يموت.. يتبعثر وبوحـي اشربـه=واشرب بقايا حيرتي وحلمي وسواليف الدلال
يا ما سألت مرايتي وطالت ثوانـي الأجوبـه=كنّ الشعور اللي انعكس فيها محيّرها سـؤال
كنّ الوَله اللي سكن عينـي تبوقـه.. تسلبـه=يكفي تعشّمني الهوى وشمسك يعانقها الزوال
إنت الذي بيدك كتبت اصدق شعوري واكذبـه=بيدك رسمت احلامي اللي ضيّعت درب الوصال
بيدك بنيت مْن الرمل بيـتٍ وصـدّك خرّبـه=مثل البحر اللي يحثّ الموج:صافـح هالرمـال
صدّق وآمـن واقتنـع إنـي لقلبـك متعبـه=إنسى وخلني أكتبـك عِبـره لْغيـري ومثـال
قلت وعلى خدّك رجـا خلنـا نعيـد التجربـه=ليش.. المحبه تجربه أو مصخره ولعبة يهال؟؟
سامح بقايا قصتـي واسمـي تحمّـل تكتبـه=لا تنتظر مني حلـم يصـرخ يالغالـي تعـال
خلني على رفوفك كتاب أو اعتبرنـي معجبـه=لا اتقلّب اوراق الحقايق.. يستوي همّك جبال
أو اعتبرنـي شاعـره والا مجـرّد موهبـه=بس تعتبرني "عبلتك" إنسى أكيد انـه محـال
ابعد وخل انسى خطايا القلب ومنهـو عذّبـه=هذي نتيجة من يحب ويصافح كفوف الخيـال
******************************
07-06-2006, 08:06 مساء
العرض العادي
