......محاورة بين شايب وبنت.....اتمنى تعجبكم ...

03-07-2008, 11:31 مساء

السلام عليكم ورحمة الله وبركاته

بدايه القصه عن شايب اسمه حمدان وهواوي ( قلبه خضر ) ما يشوف بنت الا ينفتن ومشهور بانه حبيب
فيه بنت ملكعه وصاحبة مقالب قالت في نفسها انا ليه ما اروح للشايب وامزح معه واضحكه شوي واشوف ردة فعله كيف تكون

راحت له وردت عليه السلام كيف حالك يا شايب رد السلام والله بخير الله يعافيس ( يعافيكي )

وفجأه عطته ظهرها ومشت ولا استإذان ولا شي

ولع الشايب من حركتها قال فيها كم بيت يستعطفها فيها ويقول انها ذكرته الماضي و اذا ما عطيتيني وجه لحقت باخوي حمود اللي في قبره ويذكر التاريخ واليوم اللي قابلها فيه

يقول الشايب :

يا بنت خوذي خاطري وارحميني لا تجرحين العود بعيونك السـود

غضي نظرك وغطي الوجنتينـي لعل يومٍ جدد الجرح مـا يعـود

يوم انتهى مع مرمسات السنيني جتني صواديفه على غير مقصود

باول شهر عشره نهار الثنينـي حمدان مروا به على جنازة حمودالبنت كانت تقصد من استفزازه انها تجاريه في الشعر وترد عليه والمسكين ما كان يدري انها شاعره وعلى باله ما خذ راحته في التغزل

ردت عليه وهزأته تقول

يا شايب الرحمن وينـك ووينـي عزي لحالك قدمك الباب مسـدود

قلبك عطوف وجاه قلـبٍ متينـي والبنت ما تشفق على مغازل العود

حبل الرجا مقطوع بينـك وبينـي مثل الغليث اللي رعا قلبه الـدود

اقفى شبابـك والعـرب مقبلينـي يا عود ما يرجع من العمر مفقودحطمته يوم قالت له انك عود وان الشباب ما يرجع وان ما فيه امل تعطيه وجه حس العود انه تورط وقال كم بيت يقول لها صدي عني انه ما يبي الغزل بعد ما وصل عمره ثمانين سنه

يقول حمدان :

يا بنت صدي بالعيـون الظليلـه لا صد عنـك الله نهـار القيامـه

مالي ومالك يالفـروع الطويلـه لو فيك من رسم البداوه علامـه

يابنت ما لـي بالثمانيـن حيلـه اهدف كما تهدف على البير قامه

اقفى شبابي والدهر شفت ميلـه يالله حسـن الخاتمـه والسلامـه

اعطيك موجز والبضاعـه قليلـه واخذت لك من صافي الماء سنامهراحت الايام والشايب مسكين سنه خذله معها شايب وهي بنت وتقول له كيف اعطي شايب وجه

بعد فتره مرته مره ثانيه وردت عليه السلام واستفزته وراحت وخلته ولع الشايب وقال ليه ما ابين لها في كم بيت انها بتشيب مثلي واني رجال طيب وان الناس تنصاني ومعروف بالكرم واني ما ابي منها غير التحيه والترحيب

يقول حمدان

يا بنت ما جاس الكبـر والخشونـه وعادت شباب اليوم يجفل من الشيب

ياسرع مـا وبلـك تمـزع مزونـه يالفاتنه يـا ام الثمـان الرعابيـب

يا بنت ما بينـي وبينـك مهونـه كلمة شرف نبـي تحيـه وترحيـب

الله مـن عـودٍ ثقيـلـه طنـونـه ينصاه راع المشكلـه والمواجيـب

على الكرم والدين نفسـه حنونـه تلقاه بالاجـواد شـرق وتغاريـبجهز الابيات وارسلها مع عجوز ووعد العجوز بهديه اذا وصلت الرساله لها

راحت العجوز وعطت البنت الابيات شافتها البنت وقفلت على العجوز في غرفه وقالت مثل ما جيتي بابياته ترجعني بابياتي

العجوز مسكينه قالت طلعيني ولا ابي منكم شي الله لا يعودكم انتم واوراقكم

ردت البنت ابيات اقوى من الاولى واكثر تحطيم مسكين الشايب ما احد رحمه حتى لو حاول يستعطف

تقول البنت

العود عود وطايحـاتٍ سنونـه من كثر ما يرقد على جرة الذيب

عودٍ مهرقل والعرب ما يبونـه ياعود ما لك في طويل المراقيب

اقفى شباب العود راحت حتونه مثل اليتيم اللي بكا ما له مجيب

جداه ينثر دمعة ٍ مـن عيونـه غريق موجٍ ما لقا له مقاضيـب

وسلامتكم..............

03-07-2008, 11:56 مساء

بما ان البنت شاعره وينها بتراد انا وياها وبتغزل فيها

لكن باين عليها ملووسنه تبيلها ترويض قبل القصيدة

مشكوورة ياسكرة

..,,..

03-13-2008, 04:18 مساء

يعطيج العافية عالنقل وفعلن امتعتينا بالنقله الجميله ...
يماااال العافية وتسلم ايد اللي اكتبتها اماسي الحب ...
كل الشكر والتقدير ...
احترامي لك / اختك / اكـــــــــــثــــــــــر مــــــــــن اول احــــــــــــــبــــــــــــــــك ...

03-14-2008, 02:36 صباحا

تيسلم إيدك على النقل المميز

يعطيك ألف عافيه

دمتي بووود

03-16-2008, 10:07 مساء

اقتباس:

المشاركة الأصلية كتبت بواسطة مزاجي


	بما ان البنت شاعره وينها بتراد انا وياها وبتغزل فيها لكن باين عليها ملووسنه تبيلها ترويض قبل القصيدة مشكوورة ياسكرة ..,,..

هههههههههههههه

مزمز انا بناديها لك ابشر وبشوف منو يقلب هههههههه

يسلمو ع المرووووور الرائع

03-16-2008, 10:08 مساء

اقتباس:

المشاركة الأصلية كتبت بواسطة اكثر من اول احبك!!!


	يعطيج العافية عالنقل وفعلن امتعتينا بالنقله الجميله ... يماااال العافية وتسلم ايد اللي اكتبتها اماسي الحب ... كل الشكر والتقدير ... احترامي لك / اختك / اكـــــــــــثــــــــــر مــــــــــن اول احــــــــــــــبــــــــــــــــك ...

الله يعافيج قلبي

ويسلمو ع المرووووور الرائع

لا خلا ولاعدم

03-16-2008, 10:08 مساء

اقتباس:

المشاركة الأصلية كتبت بواسطة *& رورو &*


	تيسلم إيدك على النقل المميز يعطيك ألف عافيه دمتي بووود

الله يسلمج ويعافيج خيتووووو رورو

ويسلمو ع المرور

لاخلا ولاعدم

مكتبة جوال شجن الليل
مقاطع بلوتوث	ثيمات للجوال	صوتيات للجوال
خلفيات للجوال	برامج للجوال	فديو كلب
ألعاب جوال	رسائل وسائط	رسائل منوعه
ألعاب فلاشيه(ألعب وتمتع)
العاب متنوعه	العاب مغامرات	العاب أكشن
العاب الرمايه	العاب الغاز وتفكير	العاب استراتيجيه
العاب بنات	العاب تسلية	العاب سيارات