مشكور يا بايع مشاعرك مشكـور
العام ذنب وهالسنـه ذنـب ثانـي

وش عاد اقول ولا بقى شي مستور
ما طعتني يوم ابتسم لـي زمانـي

لا تعتذر لو خاطري منك مكسـور
لا تفتكرنـي دام قلبـك نسـانـي

لا لا تقـول ان الليالـي لهـا دور
شف من هو اللي كان فينا أنانـي

مدري تصنعت الغلا زور فـي زور
مدري انا اللي حيل كنـت متفانـي

مثل العما ما تنفعه طلعـة النـور
النور بعيـون العمـا مـا يبانـي

عندي خبر لو جاك من يمي قصور
لأقول انا مخطـي وربـي جزانـي

لو شفتني قاسي عليك انت معـذور
شفني من أول جرح لا زلت أعاني

انا بشر مثلك لي احساس وشعـور
واغتاظ لا مـس الكـلام بكيانـي

حتى وانا في قمة الغيـظ مقهـور
بعض الحكي عيـا يقولـه لسانـي

بقولها لو قلت لي صابـك غـرور
ما فيه احد ياخـذ بقلبـك مكانـي

العام قلبي فيـك هايـم ومجبـور
العـام لا منـي جفيتـك عصانـي

واليوم حبك فـي حنايـاه مقبـور
لو ما دعيتـه للمفـارق دعانـي

ذاك الهوى ما عاد لك فيه مقـدور
ابعد من ايـام الرشـي والسوانـي

ما دمت راضي عن عذابي ومسرور
ملعون ابو قلـب ٍ عليـك يحدانـي

للشاعر \ متعب التركي

ما دمت راضي عن عذابي ومسرور
ملعون ابو قلـب ٍ عليـك يحدانـي


الله عليك يالأرجوانه ابدااااااااع بكل حرف.. قصيده وكلمات جدآ رائعه اشكرك على هالنقل اللي اسعدتينا فيه ويسعدني اني اكون اول من يسجل اعجابه بهذه اللوحه الشعريه الرائعه
سلمت يمناك وصح لسان شاعرها ويسلم ذوق ناقلها



تقبلي تحياتي / اختك شموخ

مشكورا على الموضوع
::
كلمات رائعه
مشكورا على النقل
::
مجرد خيانه

أسمحيلي أقولك اذا كان هناك مدرسه للابداع والذوق فانتي أستاذه في الابداع والذوق


قصيده رائعه جدا

يسلمو الاخت الارجوانه على القصيده الحلوه