يالله يــا عـالـم دبيبـهـا باللـيـل الأظـلـم
يـا عالـم مـا لكفـر خـط بصحفهـا حبرهـا
تكالـبـت عليـنـا همومـهـا نـبـي نتكـلـم
وصلت لشخصٍ جمع الأمة بقـدرة مقـدر قدرهـا
ويـن عمـر وصــلاح الـديـن والمعتـصـم
وين من قال أنا أحفاد الصحابـة أصـب بنهرهـا
ويـن الكرامـة وعـزة الإسـلام لمـن أسـلـم
أرجوك يابن الإسلام عـزة الإسـلام لا تهجرهـا
ما نبـي حـرب الإبـادة مـن الماضـي نتعلـم
حربنـا حـرب اقتـصـاد للدنـمـرك ندمـرهـا
كيـف نتغـذى ونهتنـي بمـشـرب أو مطـعـم
ومن اللي أساء للحبيب نغذي البـدن بـلا كدرهـا
ترجـي عـز وأنـت غـذاءك مستـورده منهـم
لو ماينوجد عند غيرهم ما طلبتك تقاطـع ثمرهـا
ورب البيـت لـولا الخـوف مـن ورود جهـنـم
لأفتيت أكلٍ منهم يحرم حرمت الدم بيـوم نحرهـا
لشك لولا الخوف مـن ربـي وشخـصٍ يتهجـم
جرئـه الفـتـوى جـرئـه لجهـنـم يعمـرهـا
يابـن الإسـلام بخاطبـك بعقـل كـان تفـهـم
هات لي منتج لهم ماله شبيه من لحومها وشجرها
لا تقول كل الاتحاد الأوربي ضدي كيـف بخاصـم
كان الحياة بيديهـم ألمـوت ولا العـزة نخسرهـا
ولا تقـول فيـه غيـر الدنمـرك علينـا تكـلـم
لا تقول أغلب صحفهم صـور الإسـاءة نشرهـا
هـم يبـون تشتيـت الأمـر وبكثرتـه نتلعـثـم
أنصحك نبي نأخذهم مـن أول الهـرم ونحصرهـا
خلوها على الدنمرك لحد مـا اقتصادهـا يتحطـم
وبعدها شوف وش حال اللي حريـة فكـر بدرهـا
لهم حرية الفكر ولنا حريـة الاختيـار ولا نشتـم
مقاطعة تكفـي لنـا و رؤؤسهـم ببـط ننحرهـا
يامـة الإسـلام ويـن الخلـف هـل بكـم صـم
قاطعوا أهل الإساءة خلوا العـدو يمـوت بقهرهـا
تروا الكفر يختبر أرادتكم باتفـاق أوربـي مبـرم
هو عاد لنا عزه بعـد الإسـاءة هـات وأذكرهـا
والله لو عـدت بـدون موقـف إسلامـي محتـم
ما يفتخر بإسلامه من أسلم ويخجـل لـو ذكرهـا
لا تقولوا بالمقاطعة من منظمـة التجـارة نعـدم
هم اللي بحاجتنا وأن خرجنـا تكبـدوا خسائرهـا
كأنك ترجـي شفاعـة الحبيـب قاطـع وأحسـم
لأخير فينا لو بعـد الاعتـذار المقاطعـة ننكرهـا
قاطع للأبد ولا يعيدك إلا إذا اغلب الدنمـرك أسلـم
هـذا فتـح ربـك اللـي أبـن تيميـة ذكـرهـا
طالت ولا تكفي ولا توفـي مهمـا طولـت أتكلـم
هذا حبيب الأمة مايكفي كل قولي ولا يكفي شعرها
والله لـو كـل الدنـيـا ورق وحبـرهـا الـيـم
لجف يمها وغلـق ورقهـا وقولـي مختصرهـا
درس للغرب وعبره للي يبي على أسلامنا يتهجـم
هيا يابن الإسلام بالصلاة على الحبيـب نشهرهـا
وختمها فديـت المصطفـى بالنفـس والأب والأم
يامحب محمد قولت لا للدنمـرك بالله لا تصهرهـا

تسلم اخ حايلي على القصيدة المعبرة عن وضعنا الحالي ..

لك كل التحية والشكر عزيزي ..

مشكوووووووووووووووووره لمعه على مروركـ الرائع