هذي احد ذكرياتي...


في يوم من الايام.. كنت منبطحة في غرفتي على سريري واقرأ كتاب عن الازمة

الاستراتيجية في تركيب الذرة المكونة من اعتمادا على الفسفور... <<مصالة..
كنت جالسة اقرأ مجلد ميكي.. وزهقت.. لاحظت هالايام كل القصص فيه مكررة..
قمت ورميته تحت السرير<< انا كل شي ما ابيه ارميه تحت السرير..
وقمت ادور على شين زين أقراه.. لقيت كتاب قدييييييييييييييييييييم من ايام الطفولة<< انا كنت طفلة مثقفة ماشالله علي...
اسمه حكايات جدي..
قلت في نفسي.. الحين وشوله كل الجدان <<جمع جد.. يحكون لبزارين اولادهم حكاوي وجدتي ما تحكيلي...
حسيت بنقص في الحنان فجأة << طنقوشة صارت حساسة..
قمت رحت لخوي الكبير وقلت له.. تعال وش رايك نقول لتيته<<تأثرت بالمسلسلات المصرية...
تحكي لنا حدوتة << بزيادة متأثرة...
ناظر في اخوي بحتقار.. وقال:
اقووووووووووووووووووووووووووول ظفي خشتس... قال تيتة قال.. مالت على اللي مسوين نفسهم نعومين..
ناظرت فيه بحقد وطلعت من عنده متوجة الى ملاذي الاخير.. اخوي الصغير..
وقلت له:
انت هي... قم وراي خل امي عمشاء تحكيلنا حكاية... <<شف الاسلوب بس..
عشانه الصغير قام من غير ولا كلمة <<ماقدرت على الحمار....
المهم انطلقنا الة غرفة تيتة <<رجع التأثر..
ودخلت عليها وهي تصارخ في الشغالة:
يا مال الوجع قومي صلحي فرشتي... لا مب كذا كسرٍ يكسرك..
تعودنا حنا على هالكلام... ورحت جلست بجنبها.. واختنقت من ريحة الحنا اللي ما ادري وشوله يحطونها.. وقلت لها:
يمه عموشة <<يقالي ادلعها عشان تحن علي..
ناظرت فيني وفي اخوي وقالت:
هاااه وش تبون.. ما عندي دراهم...
ناظرت بحنان <<امحق حنان.. فيها وقلت لها:
يمه ابيك تحكين لنا حكاية وشوله كل الجدات يحكون لبزارين عيالهم الا انت...
استانست جدتي وعدلت جلستها وهي تقول:
وانا وش اسويلكم دامكم ما تجون عندي الا وتبون دراهم... بس اول شي اقعدو قدامي عشان اشوفكم زين... <<< بدت تتحكم...
جلست أنا وخوي بجنب بعض قدامها.. وهي تسأل:
طب وش تبوني احكيلكم.. ؟؟
قلت وانا استرجع ايام زمان:
سندريلا... << مسوية رومنسية..
وقال اخوي:
علي بابا والاربعين حرامي...
ناظرت في اخوي وقلت:
وش اربعين حرامي.. ظف وجهك.. <<مجرمة..
ناطرت فيني جدتي وقالت:
منهو نلسون منديلا... <<مدري وش عرف جدتي بنلسون << كله من الراديو اللي دايم تشيله..
مب نلسمون منديلا.. سندريلا ..
ومنهو مندوريالا..
استسلمت وقلت..
خلاص حكينا ابو اربعين حرامي...
قالت.. منهو الي عنده اربعين حرامي... قومي انقزي جبيلي التليفون..
وشوله...
عشان نكلم الشرطة قلت منه اللي عنده اربعين حرامي...
قلت لها بعد ما ارتفع ضغطي:
انسي كل شي قلناه... حكيلنا حكاية من عندك..
قالت:
بحكيلكم حكاية الحمار اللي يطلع دراهم.. << هي كذا اسمها..
فطسنا أنا واخوي على ارض الغرفة.. واستانست جدتي وقالت:
خلاص يكفي.. الحين قومو اقعدو زين عشان أبدأ..
جلسنا قدامها مثل أول.. ------- صلحي جلسيتس..<< انا
-------- قم قفل الدريشة... <<اخوي
-------- قومي صلحي فرشيتي... << انا
يوههههههه ما توضيت... يا فااااااااااااااااااااطمة <<هذي شغالتها.. كلا شغالتها

تسميهم فاطمة..
-------- وشوله تضحكين... <<انا
قلت لها بعد ما ارتفع ضغطي..
الحين متى تبدين...
صرخت فيني:
يا مال الوجع يعني ما اتوضا.. الحين يأذن...
وراحت توضت وجلست... وقالت..
يالله نبدأ... <<بعد وشو بعد ما جانا النوم...
كان يا مكان كان بوه تاجر عند حمار... يا فاااااااااااااااااااااااطمة..
نقزت من مكاني وانا متخرعة... وشو وش فيه..
ابيها تجي تربط لي شيلتي...
اللحين وقته... بس المهم جت فطوم وربطت لها الشيلة... وكملت...
كان هذا الحمار كبير.. (اي حمار) حمار الشايب يا المخيسة<<حتى جدتي تدري عن اسمي الكودي... (كبير حجما او سنا)... خلني اكمل كلامي ولا تقاطعي بتفهمين...
كان عنده حمار كبير في السن وما صار ينفع.. وكان يبي يبيعه بس... يا فاااااااااااااااااااااااااااااطمة... أذن...؟؟؟؟ (انا لله.. حشا ذي ما صارت قصة صار مسلسل مكسيكي... اخاف يطلع راعي الحمار اسمه الخاندرو... تذكرت مجلد ميكي اللي تحد السرير و قلت وينك تجي تنقذني... )
قالت جدتي:
وكان ما ينفع في شي (وشو) الحمار يا الثورة<< مؤنث ثور بمعنى اصح بقرة...
بتقعدين تقاطعيني كل شوي...
وأخيرا جا الفرج من ربي...
...
...
(((((((((((((((((((( أذن )))))))))))))))
- يمه مزنة أذن... قومي الصلاة...

وقمت أنا وأخوي نهج...

وسمعت جدتي وهي تصارخ:
تعالو اكمل لكم القصة بعد الصلاة...
..
..
قلت وأنا اركض لغرفتي:

((((((((توبة)))))))))


انشالله تعجبكم...



مع احلى تحية

طنقوشة

السلام عليكم ورحمة الله وبركاته

طنقوووووشـّـّـــّّــه

وإللـّه آنتــي وجـدتك عمشآ وحمآركم كـلكم رهيــبيــن

هههههههههههههههههههآي

بـس آحـسن شـي يوم آخووك كـرشك قآلك آقووووووووووول ضفي خشتك عني بـس

هههههههههههههآي


آحــس آنك تنآظرينه بحتقآر

وإللـّه آنك رهيـبـّـه آنتــي وجدتك آلي وإعدتك بعد آلصلآهـ ونتي هجيتي

آقول خليكي علىآ قصصك آلي تحـت آلسـريـر وإللـّه آحـسن لك

وذإ مليتي منهم


ترإ عندي قصص وإجد كلهىآ دوليـّه

يعني جآيبهم من برىآ قـبل سنــّـه


إذآ بغيتي منهم شـي آنآ آرسـلك منهم يآطنقوووشـّـه

مشكووورهـ علىآ ذكريآتك آلحــلوهـ يآحــلوهـ

تقبــلي مــرــوـــري


.

هههههههههههههههههههههاااااااااااااااي



مشكووره اختي على الذكرياااااااتي الحلووه

هههههههههههههههههههههههههههههههههه

خخخخخخخخخخخخخخخخخخخخخخخخخخخخخخ

يسعد قلبك طنقوشة

على بالي محد يعرف سالفة هالحمار غير امي وجدتي اثاري الاقمار الصناعيه كلها تعرض المسلسل المكسيكي

اقول.. اهم شئ جبيلها التليفون عشان تكلم الشرطة وتبلغ عن الاربعين حرامي يالسندريلا

هههههههههههههه


مشكورهـ على القصـه الحلوهـ


بس فيـه سوال برايفت :

جدتك اسمها عمشاء ولا مزنه

ههههه


مشكورهـ على الموضوع ولا هنتـي


ننتظر جديدك

تحياتـي لكـي عزيزتــي


...........

ههههههههههههههههههههههاااي

طنقوشه تكفين لا تحرمينا من مذكراتج

كل مذكره ومذكره أحلى من الثانيه هههههههههههههههههههههههه

هموووسه

مشكورة على مروركم.

تحياتي

طنقوشة

جدتي لاهي عمشاء ولا مزنة .

تبغى تعرف ايش اسمها؟













بعدين اقولك........