يمه عليه إن زعل ... وإذا رضى يمه ..
يمه ذبحني غلاه ... وشل وجداني
يمه غرامه طريقي ... ولازم اتمه
شي من الله على غفلة تغشاني
اشهق على ضحكته واشفق على ضمه
واموت منه إن جفى ...وإن جاني احياني
إن كان درب الشقى يمر من يمه ..!!
والله لكمل شقاه " إن الله احياني "
اقول يا ســــيـــدي ... ويقول ياعمه ...!
كل(ن) ذبحه الولـه في عشـقـة الــثـاني
اشتاق طعم الغدير اللي وسط فمه
مقدر اخبي عليه ... اكـتـب ويقرانـي
قمت اشتكي للغلا ... واصيـح واخمه
ياشين بلــوى الهــوى ... الله لا يبلاني
يقول لـي بالهوى مذهـب ولــي ذمـه
واقـول بصـرك ... ولـكــن لا تـعـــدانـي
ابي طريــقــك يصـيـر لوجهــتــي يمه
ومنين يممت وجهك غصب تلقـانــي
يزمني بالهوى ... زمة ورى زمـــه
قطـع وريــده وخاطـه وسـط شريـانــي
مبطي اذا خفت صـحـت وقلــت " يايمـــه "
والحين اذا خفت صحـت وقلت " ياحصانــي "
لا واهني من قرب منه ... ومن ــشمــه
ماكن ربي خلقه الا على شــانــي ...!!
جيته وكـلـي مـن الاشـواق ملتــمـة
امشي من الصبح ليــن ان عشقه امسـانـي
ياحلو لوعة شـقـاه ... ويـا حلــو سمـه
والله ياهو بالهــوى " من جـد ورانــي "
ادمى عيونـي ... وحنــى يدينـي بدمه
وعلى طريـق الولـه اقـفــى وخــلانـي
يمه احبه ... فديــت ابـوه قــبــل امـه ...!
يهزنـي هـز ريــح ... وزلـزل اركــانــي
وش فيه اذا البنت تعشق ... ؟!.. الهوى قمه
خليني اعشـق قبـل ما تابـس اغـصانـي
يهمني حـيــل ... وادري فيـنـي اهــــمـه
حتـى اسألـي روجي الـوردي ... وفـستـانــي
05-03-2008, 07:19 صباحا
:
العرض العادي
